یہ درست ہے کہ عہد صحابہ میں احادیث کی تدوین کتابوں کی صورت میں نہیں ہوئی بلکہ ان کے قلوب و صدور میں یہ خزانہ محفوظ تھا لیکن اس سے یہ نہ سمجھ لیا جائے کہ عہد رسالت میں مطلقاً کتابت حدیث نہیں ہوئی۔ حقیقت یہ ہے کہ احادیث کثیرہ سے زمانہ اقدس میں کتابت حدیث ثابت ہے بلکہ خود رسول اللہ ﷺ نے بعض صحابہ کو حدیثیں لکھنے کا حکم فرمایا۔ ابو داؤد میں ہے
اس حدیث میں کتابت حدیث کا صریح حکم وارد ہے اور جن روایات میں ’’لا تکتبوا عنی سوی القراٰن‘‘ آیا ہے ان کا مقصد یہ ہے کہ قرآن پاک کے ساتھ اور کچھ نہ لکھو۔ کہیں ایسا نہ ہو کہ قرآن غیر قرآن کے ساتھ مخلوط ہو جائے۔ معلوم ہوا کہ نفس کتابت حدیث عہد رسالت میں ثابت ہے۔ البتہ کتابی صورت میں تدوین حدیث اس وقت نہ ہوئی۔